بشفافي غنه
سرمد اسطيفانا- سيدني
ارميني بحجر ما دير الك مكفاي
لأن مجرى النهر متوكفه احجاره
انه اكدر ارد و اعلن نزال وياك
بس عيب الأسد وي نعجة يتباره
ظل احجي علي انته و شهود الزور
صفط بالتهم و ارزمها باضباره
و ظل اجمع ورق خلكي خلك تنور
ما بردت بعد و اشعل الك ناره
على كص الخشب لتعلم النجار
توابيت شكثر فصلها منشاره
يالبعدك رجيج و ما الك مضمون
شخصت الخلل و اعرفت مقداره
ما عندي وكت للرد على الشمات
مليت الحجي و مليت تكراره
و انا شلي غرض بالكال و الما كال
انا بدرب المجد سويت تسياره
بشفافي عنه حرك شعور العود
دندن بالفرح و احتفلت اوتاره
ديواني
نشيد بشفة العشاك على مربد عشكهم تنقري اشعاره