عشق أزلي
سرمد اسطيفانا: سيدني
…..
كلمة من أربع حروف لا كلمة تعلى اعليها
كل حرف نور أمن السماء و الدنيا بي يضويها
كل حرف مي دجلة و فرات يا كاع ما يرويها
حرف العين هو العين عيني و اشوفك بيها
حرف الراء يعني الروح روحي الك افديها
و الثالث الف اهواك الك بس آنه اغنيها
حرف قاف و قسم بالله قلبي و دكته انطيها
هدية و ما اعزها اعليك يكون اتليق و اهديها
عراق الصيت و الصولات يل امجسد معانيها
اول كلمة بالتاريخ ذكرها و جاب طاريها