قصيدة الحريق
سرمد اسطيفانا / سيدني . استراليا
أنا ابنص الحريق و ما لكيتك ماي
من يمي مشيت و شفتك بعيني
و بأسمك صحت بس انته مهتميت
و كملت الدرب دايس على سنيني
من شفتك فتت كدامي و تعنيت
لحظتها ردت كون الله يعميني
صرخاتي سمعها الجان شابع نوم
رغم بعد المسافة البينه و بيني
فزعت ناس غربة و سوت المعروف
سحكت عالجمر كامت تداويني
و هذا انته العرف دخان ما شميت
تمد ابخطوتك تمشي و تخليني
لو باجي عليه و حتى لو مو جاي
صدك دمعة منك جان تطفيني
أثر نار الحرك طاب ابغضون
ايام و اثر نار المواقف لسه يجويني
ألمن جايني و جايب اضماد اوياك
جا يوم المطر جيت انته تسكيني