العنوان : جمال المرأة الشاعر
محمد رحال
من بيا هيا زين ضحكة طفلة خمرية
محلاها بنية مبهاها في وصفي نايا
نظرت فيا تڨوّل هزت من كحل وقية
سلبت عينيا مبلية هي سبايب دايا
ڨالتلي هيا في حبي ما تدير مزية
امشي بالنية و خيار لعمال نوايا
ڨلتلها ليا و الغالي ما يغلا عليا
كان ترضي بيا نبنيلك في ڨلبي سرايا
نجيب هدية نعيطلك من العاطي ليا
نروح ضحية علي جالك نزيد عدايا
تبقي محضية كي وردة زهرة معفية
ياسر شوية في صباح عشية معايا
حبيتك ليا تكوني من غير سوية
عندي البحرية جنية
تحكم و تسود
زين الخندود
هبلني زين الخندود
عيون سود عانود ولفي المڨدود