برهان المفتي
……………
يابة الشغلة من صدگ صارت بلغ السيل الزبى بالشدة على الباء وبالياء القوية الطويلة ، يعني من الأخير الشغلة وصلت للشيسمونه، والدول المعادية ورانا ورانا حتى للآلة مالتنا بحسب فتوى (أحارب الأعداء بنزع لباسي) للشيخ السفرطاسي، إللي طلع وگلب الدنيا لأن لبس اللباس مؤامرة عدوانية تستهدف القضاء على المتعة الجنسية وذلك بتصغير آلة الرجال بحسب وصفه هو عساس عيب يگول قضيب لو العضو الذكري الو ما أعرف شنو، بس مو عيب يطلع وهو لابس عمامة عساها قمامة على راسه ويحچي ويتكلم باللباس، ولو مطول البرنامج بعد خمس دقايق كان راح يوصل لانواع موديلات اللبسان من البوكسر والجوكي وما دونهما أو فوقهما.. وحتى أنواع اللانگري لدى النساء ولا حرج في الفتوى.
وطلع الشيخ السفرطاسي يعرف حتى بعادات الشعوب وشواطىء كاليفورنيا وأحجام آلة الرجال في كاليفورنيا وله أجتهاد فكري عن سبب ضخامة تلك الآلة وطراوتها لدى الرجال في كاليفورنيا وسبب استمتاع النساء هناك تحديداً في الممارسة الجنسية، لأن بحسب الشيخ السفرطاسي أن الرجال هناك لا يلبسون اللباس فتأخذ آلة الرجل – همين بحسب كلامه هو- راحتها والمساحة متروكة فتطول وتكبر وتتضخم بدون أي ضغط، بينما قام الأعداء بتصميم اللباس الرجالي بطريقة تضغط على الخصاوي وعلى عضلات الخرطوم الرجالي فيظل الحجم صغير ويا دوب يگدر يرفع راسه ساعة الشدة والنداء لأن العضلات تضعف تحت ضغط اللباس خاصة إذا من النوع الجوكي الضيق لدى الرجال .
ويقول الشيخ السفرطاسي أن الرجل الحقيقي لا يلبس لباس نهائياً وما أعرف من وين جايب هذا الأستنتاج، هل هو نظرية أم تطبيق عملي شايفه ومجربه بالصوت والآه ، بس هو يگول للمحافظة على الرجولة ولمحاربة الأعداء لازم رجالنا ما يلبسون لبسان، ولازم نرجع للبدايات من چان كل رجل طرزان وماكو ستر على الآلة بس بقطعة جلد يشيلها طرزان بكل يسر وسهولة إذا محتاج يبول لو محتاج يستخدم الآلة لكي يرمي بيها چم إطلاقة مدفع.
ويگولون هسة الدول المعادية في حالة إنذار جيم لأن الشيخ السفرطاسي كشف هذه المؤامرة الخطيرة ومتعجبين شلون كشفها وشنو من الذكاء لدرجة تحليل أحجام اآلة الرجال لدى الشعوب إللي يلبسون لباس.
اللهم ألبسنا لباس التقوى وأنزع عنا لباس الغفلة إللي لبسونا الأعداء وقشمرونا وگالوا يحافظ على الآلة الغالية من الخدش والحكة. اللهم أترك لآلتنا الرجالية حريتها لتكبر وترفع راسها بين الامم، ولتطول لدرجة نقدر أن نشد على راسها راياتنا اللي نفخر بيها خاصة في كشف الغمة في ليالي الظلمة.
قولوا وياي آمين.. حتى تستمتعون بالنشوة وأنتم مطمئنين.. وحتى النساء يزغردن وهن يرين رايات النصر العظيم فوق هامات آلات الرجال.