زجلية
زكية المرموق
المغرب
……………
ويلا ما جيتي
نجي يانا
نحطك في شوني
وندخل للزوبيا بعيني
محلولة
ونبقى خضرا
سولني يانا
كيفاش كبر النعناع
في يدي
وعيني ولات سما
تقطر بالما
كلما شوفتي مالت على
شوفتك
تنبت بذرة في الحشا
وتكبر في السقف نجما
ياجماعة
انا هنا وعلاش الغوات
جاي من الهيه
ياجماعة
لهيه لهيه
وهاويو عليه
خليو الغوات لماليه
شگدني نحكي
وحكايتي ولات
“سيكوك “في الميادي
انا نگول
وانت
وانت
وهو يكول
وهي تكول
وكثروا الگوالا
حتى شعل البندير
في النوادر
وسبل الليل بالنهار
دارو المناجل
وكثروا الحصادا
لكن التبن غلب على الگمح
ياالمطامر علاياش دابا راك عوالا؟
ياميمتي
السروال علام
واخا الگلب يسيل
ياميمتي
هزي راسك في الدوار
وك
گولي بالصوت العالي:
“هاكا يكونو بنات الناس
المحضية”
ياجماعة
سرجو الخيل
طرطگو البارود
شحال من كسدة عايشة
بلاگلب ورا المرايا
ياجماعة دورو الكيسان
راه الگصاعي عامرة بتفاية
لكن شحال من ميت بينكوم
برزة وسلهام ومتصدر البرزة
وكلبو طفاية